...::: CLAPE - Friûl dal Mont :::...

Il Lunari de Clape 2010

Viaggio Transiberiana

DIVENTA SOCIO

Per aderire alla CLAPE bastano soli:
5 euro da versare sul c/c.
IBAN: IT67 Z076 0112 3000 0007 2240 518

Chi e' online

I nostri visitatori

IL FRIÛL CHE AL VEN DAL MONT

Prime ti ignorin,
dopo ti ridin,
dopo ti combatin.
Dopo tu tu vincis!
(Ghandi)

Home

CONCORS PAR TESCJ CINEMATOGRAFICS

DENTRI DAI 13 DI SETEMBAR LA PRESENTAZION DAI LAVÔRS

Dentri dai 13 di Setembar dal 2010 a àn di rivâ li de sede dal Centro Espressioni Cinematografiche (in vie Villalta, 24 a Udin) i lavôrs pe 8e edizion dal Concors par Tescj Cinematografics in lenghe furlane.
Il concors, organizât dal CEC (Centro Espressioni Cinematografiche), cul finanziamente de ARLeF (Agjenzie Regjonâl pe Lenghe Furlane), de Provincie di Udin e dal Comun di Udin, al è dividût in 4 sezions: une dedicade aes senegjaturis, cuntun prin premi di 1.500 euros; une dedicade aes storiis par film, cuntun prin premi di 300 euros; une sezion dedicade ai articui di critiche cinematografiche, cuntun prin premi di 300 euros e par finî une sezion dedicade ai saçs sul cine, cuntun prin premi di 300 euros. Ogni concorent al podarà partecipâ ancje a dutis e cuatri lis sezions ma dome cuntun lavôr par sezion.
Lis senegjaturis a podaran jessi struturadis te forme preferide e cence limits di lungjece.
Il bant di concors al previôt che i lavôrs a àn di jessi scrits in lenghe furlane, te grafie uficiâl e inviâts in forme anonime li dal CEC segnant, ancje su la buste, dome il titul de opare. In buste sierade, zontade al test, il concorent al varà di ripuartâ il titul de opare, i siei dâts e la sô direzion di pueste e i numars telefonics par jessi contatât.
I lavôrs a podaran jessi consegnâts a man li de sede dal CEC o jessi mandâts par pueste (pe date al fasarà fede il bol postâl).
La jurie clamade a valutâ i lavôrs e sarà componude di Massimo Garlatti-Costa, Roberto Iacovissi e Mario Turello.
I premis e lis menzons speciâls a saran dadis intune serade speciâl che si davuelzarà li dal “Visionario” di Udin. La date de manifestazion e sarà fissade e comunicade ae stampe plui indenant.
Lis operis premiadis e chês segnaladis, a saran publicadis su la riviste di cine Segnâi di lûs.
Par altris informazions, i concorents a puedin telefonâ li de sede dal CEC tel. 0432-299545 o inviant une e-mail a Indirizzo e-mail protetto dal bots spam , deve abilitare Javascript per vederlo

Centro Espressioni Cinematografiche
Ufici pe stampe

Tal ultim numar de "La Patrie dal Friûl"

SANDRA PIZZOLITTO, MINISTRE FURLANE IN ONTARIO SU LA PATRIE
Il numar da "La Patrie dal Friûl" di Avost, mês che pal solit al viodeve i nestris emigrants a tornâ a cjase, si vierç cun Sandra Pizzolitto Pupatello in cuviertine, origjinarie di Morsan des Ocjis, ministre furlane dal cumierç e dal disvilup economic de provincie canadese dal Ontario intervistade in esclusive di Christian Romanini. La ministre Pizzolitto, che e fevele furlan e inglês, e à declarât «Il furlan al pues deventâ la “lenghe francje” parcè che o pensi che cuant che i Furlans si cjatin pal mont, chest al è za un pas in plui: il fat di vê lis stessis origjins al permet subit di jessi in sintonie. E al jude ancje i rapuarts economics parcè che tu ti sintis za de stesse famee». E à ancje zontât «Il Friûl al podarès jessi la puarte de Europe pal Canadà», dimostrant cussì che tignî cont di identitât e lenghe furlane al pues vê efiets positîfs impuartants ancje dal pont di viste economic.
Un numar, chel di Avost che al continue a fevelâ di emigrazion cuntune altre interviste a Pieri Pittaro, president di Ente Friuli nel Mondo e une photogallery storiche, gjavade fûr propit dal archivi dal ent di borc dal sâl.
Pes rubrichis si ricuardin lis pagjinis internazionâls su Austrie, Slovenie e popui cence stât in Europe, la pagjine tecnologjiche su lis novitâts in Internet par furlan e la rubriche dedicade ae leterature. Il gjornâl si siere cul viaç a Sant Jacum di Galizie contât midiant lis pagjinis scritis di pre Beline “A Sant Jacum, là che al finìs il mont”.
Tal archivi dal sît www.lapatriedalfriul.org si puedin lei ducj i contignûts de riviste fint al mês passât. Si ricuarde che “La Patrie dal Friûl” si le cjate tes miôr librariis e ediculis o si ricêf a cjase par abonament.

Zovins e Furlanetât a Majan

31 luglio 2010 Vuê o soi intervignût a la Cunvigne di Ente Friuli nel Mondo su "Zovins e furlanetât". O soi restât scaturît pai coments che al à fat il prof. Tellia che al à fat intindi che la identitât furlane no covente... Us propon chi l'intervent che o ai fat, Christian Romanini Zovins e furlanetât tal 2010 Cuant che a non da La Patrie dal Friûl o soi stât invidât a intervignî a cheste setime cunvigne dai Furlans tal mont, e o ai savût dal titul de zornade, mi soi fat une domande: aial sens fevelâ di furlanetât a zovins che forsit il Friûl no lu àn mai viodût o lu viodin vuê pe prime volte? La domande no je banâl come che banâl no je la domande che si lee secont di me in maniere strente a une seconde domande: aial sens mantignî la nestre lenghe furlane intun mont che al devente simpri plui piçul ta cheste ete de globalizazion? Lin par ordin. Se vuê o sin chi, evidentementri no je dome par condividi une zornade di fieste. Piês al sarès limitâsi a un cjalâsi indaûr, lassantsi puartâ vie de nostalgjie par un Friûl che nol è plui. Cuant che i nestris nonos a àn lassade cheste tiere, o met ancje la mê famee stant che i miei a son stâts “libars di scugnî lâ” in Argjentine (a Buenos Aires); in Gjermanie (a Colonie); in Svuizare (a Zurîc e Aarau); in Francie (a Parîs), al jere dal sigûr no par turisim ma parcè che chi e jere miserie o parcè che a vevin la ilusion di cjatâ dulà che a levin alc di miôr.
Ultimo aggiornamento ( lunedì 02 agosto 2010 )
Leggi tutto...

Qnûf Dizionari Ortografic

Al è in distribuzion in chescj dîs il DOF PIÇUL, Dizionari ortografic talian-olumut al è Sandri Carrozzo, i editôrs a son lis cooperativis Serling e Informazion Furlane.
Rispiet al DOF publicât dai stes editôrs intal 2008, che al à plui di 1.000 pagjinis e cuasi 40.000 jentradis dal talian al furlan e ancjetantis dal furlan al talian, il DOF PIÇUL, cemût che al dîs za il non, al è plui piçul e svelt, al à un 600 pagjinis cuntune selezion di 12.000 jentradis par bande. Il presit al è di € 14,00.
Cun di plui al à une sezion introdutive cun tabelis gramaticâls furlanis, soredut dai verps iregolârs, e dôs sezions par nons gjeografics e nons di persone.
Intal DOF PIÇUL si doprin la grafie uficiâl daûr de normative de Regjon Autonome Friûl – VJ e la lenghe furlane di riferiment.
Cui che al vueli comprâlu al pues domandâlu ae sô librarie o cartolibrarie o ben ordenâlu ae Serling. Soc. Coop., tel. 0432649131, Indirizzo e-mail protetto dal bots spam , deve abilitare Javascript per vederlo

Segue trd. Italiano